فواد چوہدری ءِ پیش کپننگ آ توہین عدالت نا درخواست آ نوٹس جاری

0

Get real time updates directly on you device, subscribe now.

لاہور : لاہور ہائی کورٹ تحریک انصاف ناراہشون ومسکوہی بنجائی وزیر حوالکاری و شینکاری فواد چوہدری ءِ پرمان تیان پد ہم عدالت پیش کپننگ آ دائر توہین عدالت نا درخواست آ آئی جی پنجاب و آئی جی اسلام آباد ءِ نوٹس جاری کرسا ورندی بٹنگا۔ جسٹس طارق سلیم شیخ فواد چوہدری نا خڑکی عزیز نبیل شہزاد نادائر درخواست آ بنائی سماعت کرے۔ سماعت اٹی عدالت درخواست گزار نا وکیل اظہر صدیق ءِ ایلو غیر تعلقدار فریق آتے درخواست آتیان کشنگ و آئی جی پنجاب و آئی جی اسلام آباد ءِ فریق کننگ نا پارت کرے۔ ہراڑا وکیل درخواست گزار ایلو فریق آتا پن ءِ درخواست آن حذف کرے۔ عدالت کارروائی کرسا آئی جی پنجاب و آئی جی اسلام آباد ءِ نوٹس جاری کرسا ورندی بٹنگا۔ عدالت نا روبرو درخواست اٹی پیدواری کننگاکہ 25 جنوری آ ہائی کورٹ وار وار آ فواد چوہدری ءِ عدالت پیش کننگ نا پرمان کرے ولے اسلام آباد پولیس عدالتی پرمان تیان پد ہم فواد چوہدریءِ عدالت اٹ پیش کننگتویسس۔

(اے پی پی)

Get real time updates directly on you device, subscribe now.

Leave A Reply

Your email address will not be published.