آئی پی ایل کن چینی اسپانسرز آتا معاہدہ برجا سلیک‘ بھارتی بورڈ

 نئی دہلی (مانیٹرنگ ڈیسک) گلوان اٹی چینی فوج نا دوتیان 20 فوجی نا کہنگ آن پد بھارت اٹ چینی گڑاتا بائیکاٹ نا مہم چلینگ انگ اٹی ءِ، ولے بی سی سی آئی داڑان بیدس آئی پی ایل کن چینی اسپانسر آتا معاہدہ غاتے چٹفنگ آ تیار اف۔ بھارتی بورڈ نا خازن ارون دھومل، ہرا حکمران جماعت بی جے پی نا راہشون و پارلیمنٹ نا باسک انوراگ ٹھاکر نا ایلم ءِ، پارینے کہ دا اسپانسر بھارتی زرگزران نا کمک ءِ کننگ اٹی ءِ۔ نن اینخو تو ہچ اس کننگ کپنہ ولدا ہم سال آ معاہدہ غا نظرثانی نا جاچ ءِ ہلنگ کینہ۔ یات سلے کہ انڈین پریمیئر لیگ نا بنجائی اسپانسر چینی موبائل فون کمپنی ’اوپو‘ ءِ، ایلو کنڈ آ بھارتی اولمپکس ایسوسی ایشن نا سیکرٹری پارینے کہ او ساڑی خرینی تا سوب آن چینی اسپانسرز و گڑاتا بائیکاٹ آ سجفنگ اٹی ءُُ۔