ملک اٹ ٹیبل ٹینس نا ٹیلنٹ نا ہچ ءُ کمتی اس اف‘یاسمین اختر

سلام آباد (مانیٹرنگ ڈیسک) ٹیبل ٹینس نا کوچ یاسمین اختر پارینے کہ ملک اٹ گراس روٹ کہول آ ٹیبل ٹینس نا مقابلہ غاتا اڈ تننگ بھاز المی ءِ، تدوک آ دے  میڈیا تون ہیت وگپ کرسا او پارینے کہ پاکستانی نیاڑیک کس اسے آن کم افس وخت اس کہ وسیلہ غاتا کمتی نا سوب آن دا نیاڑی گوازی دنیا ٹی تینا ہند ءِ جوڑ کرینو۔ او پارینے کہ ننا نیاڑی گوازی گرک جہانی کہول آ کیہی میڈل آتے دوئی کرسا ملک و قوم انا پن ءِ روشن کرینو۔ کرونا وائرس نا بابت اٹ اسہ سوج اسے نا ورندی ٹی یاسمین اختر پارینے کہ مچ آ دنیا کورونا وائرس نا دَین نا سوب آن فریشان ءِ، او دا دَین آن ننا گوازی تا پِڑک ہم ویران مسنو۔ او انشاء اللہ منہ دے انا ہیت اسے ہراتم ننا حکومت دا دَین ءِ کنٹرول کیک تو ننا گوازی نا پِڑک ولدا آباد مریرہ۔