ڈھاڈر نا خڑک آ ٹریفک شکست، 3کونسلر، و گمانی چیئرمین زوال
نیشنل ہائی وے آ الیوسف پمپ نا رہی آ کوئٹہ غان بروک ٹوڈی کار مون پہ مون بروک مزدہ ٹرک تون ڈوک لگا
Get real time updates directly on you device, subscribe now.
ڈھاڈر: ڈھاڈر نا خڑک آ ٹریفک شکست اٹ 4 بندغ زوال مسر‘ حوال نا رد اٹ دوشنبے نا دے سہب انا نیشنل ہائی وے آ ڈھاڈر نا خڑک آ الیوسف پمپ انا رہی آ کوئٹہ غان بروک ٹوڈی کار مون آ بروک مزدا ٹرک اٹ ڈوک لگسا شکست ناگواچی مس‘ ہرانا سوب آن کار اٹ سوار چار بندغ محمد رفیق‘ عبدالمجید‘ محمد یاسین و علی محمد جاگہ غا زوال مسر‘گاڈیک ہندن ترند لگار کہ ٹوڈی مزدا ٹرک نا شیف آن پترنگا۔ شکست اٹ زوال مروک آتے ٹی تحصیل بالا ناڑی یونین کونسل غازی ضلع کچھی نا مسہ کونسلر و گمانی چیئرمین و وائس چیئرمین اوار ءُ‘ شکست نا ڈہ رسینگ آ علاقہ ٹی غم تالان مس‘ پولیس ہند آسر مرسا ہندی بندغ آتا کمک اٹ لاش تے گاڈی آن کشسا ڈی ایچ کیو ہسپتال ڈھاڈر آسر کرے۔ یات سلے کہ کوئٹہ غان نصیرآباد سندھ قومی شاہراہ غاروڈ انا سنگل مننگ نا سوب آن ہڑدے ٹریفک نا شکست آتے ٹی نہادی جانک زیان مننگ اٹی ءُ۔ مستی جاست پاست ڈھاڈر پولیس کننگ اٹی ءِ۔
(آن لائن)