کورونا دین آن بچنگ نا اسٹ انگا کسر رکھی گام گیج ءِ، میر جان جمالی

دادین آن بچنگ کن رکھی گام گیج آتیا عملدرآمد آن بیدس ہچ ءُ درمان اس اف، چیف آرگنائزر بلوچستان عوامی پارٹی

0

Get real time updates directly on you device, subscribe now.

کوئٹہ(اے پی پی) بلوچستان عوامی پارٹی نا چیف آرگنائزر باسک بلوچستان اسمبلی میر جان محمد جمالی پارینے کہ کوروناوائرس اسہ جہانی ءُ دین اسے نا دروشم دوئی کرینے و داوخت اسکان دا ساڑی آ صدی نا بھسکاری نا سوب جوڑ مروک ناجوڑی جوڑ مسنے داہلوک آ دین آن بچنگ کن رکھی گام گیج آتیا عملدرآمد آن بیدس ہچ ءُ درمان اس اف، الس حکومت نا کنڈآن چست کروک گام گیج وپرمان تا پاسداری ءِ کرسا کروناوائرس ءِ شکست تننگ نا جہد اٹی تینا کڑد ءِ اداکیر۔ داخیال آتا درشانی ءِ او“اے پی پی” تون گپ وتران کرسا کرے۔ میر جان محمد جمالی پارے کہ داوخت پاکستان تون اوار مچ آ دنیا تاریخ نا سختی نا دور آن گدرینگ انگ ءِ کوروناوائرس نا دین انسانی جان تا زیان تون اوار اوار شون ہلوک ملک آتون اوار شون پذیر ملک آتے ٹی زرگزران نا پٹھہ ءِ دڑفینے دنیا نا بھلا اسٹاک ایکسچینجز بھس مسنو وکروڑ آ خلقت بے روزگار مسنو۔ داحالیت آتیان پیش تمنگ اٹ دنیا ءِ اسہ وخت اس لگک میر جان محمدجمالی پارے کہ کوروناوائرس نا ویکسین نا ایجاد کن سوتوڑ کوشست آک برجاءُ ولے داوخت اسکان ہچ ءُ خاطر خواہ سرسہبی اس دوئی متنے داوڑنا حالیت آتے ٹی احتیاط ہی کوروناوائرس آن بچنگ نا اسٹ انگا کسر ءِ اوپارے کہ حکومت ءِ لاک ڈاﺅن نا فیصلہ ءِ اٹلی و ایران کون آ بھلا بھس کاری تیان بچنگ کن کروئی تما داڑآن بیدس حکومت تون ہچ ءُ آپشن اس الوکہ میر جان محمد جمالی پارے کہ الس ءِ لاک ڈاﺅن اٹی حکومت تون کمک کرسا تینا اُراتیٹی مریر بے گرج اُراتیان پیش تمسا دا ہلوک آ ناجوڑی ءِ تینٹ تینا اُراتیا اتپس ، اوپارے کہ صنعتی بشخ آتا کمک و نیزگار بندغ آتا کمک کن بنجائی و صوبائی حکومت آک زرگزرانی پیکیج نا فراوانی آ کاریم کننگ ءُ و دوئی وسیلہ غاتے ٹی الس و صںعتی بشخ اتون اوار روزگار نا فراوانی آ متعین نجی و سرکاری ادارہ غاتے ممکنہ کمک فراوان کرسا زرگزران نا پہیہ ءِ رواں دواں تخنگ نا پبی کوشست کننگ انگ ءِ۔

Get real time updates directly on you device, subscribe now.

Leave A Reply

Your email address will not be published.