داڑیلی و منشیات فروش آتا برخلاف کریک ڈاﺅن ننا زمواری ءِ‘ڈپٹی کمشنر نوشکے

0

Get real time updates directly on you device, subscribe now.

نوشکے (تلار حوالکار) آل پارٹیز زمیندار ایکشن کمیٹی نا راہشون میر خورشید جمالدینی‘ حاجی منظور احمد مینگل‘ میر محمد اعظم ماندائی‘ حافظ مطیع الرحمن‘ حافظ عبداللہ گورگیج‘ حافظ قاسم فاروقی‘ مولانا فداءالرحمان‘ میر پسندخان ماندائی‘ صحافی محمد یعقوب وایلوفک ڈپٹی کمشنر نوشکے کیپٹن جمیل احمد رند اتون اوڑدہی کریر‘ اوڑدہی ناوخت آ شہید سمیع اللہ مینگل ناخونی تا دزگیر مفننگ‘ خلقی علاقہ غاتے ٹی بجلی مفننگ‘ کورونا دَین نا سوب آن نوشکے ٹی لاک ڈاﺅن نا سوب آن الس ناتکلیف‘ منشیات فروش آتے دزگیر کننگ و ایلو اہم انگا امور تیا ہیت وگپ کننگا۔ ڈپٹی کمشنر نوشکے کیپٹن جمیل احمد رند آل پارٹیز زمیندار ایکشن کمیٹی نا راہشون تے باور کرفے کہ دا غٹ ویل آتا ایسر کننگ ءِ ہر حال اٹ پک کننگک‘ نوشکے ٹی امن وایمنی ءِ برجا تخنگ‘ دزی‘ داڑیلی و منشیات فروش آتا برخلاف کریک ڈاﺅن ننا زمواری ءِ‘ دا رد اٹ الس وآل پارٹیز نا سرکڑدہ غاتا کمک المی ءِ‘ نن انشاءاللہ نوشکے ٹی امن وایمنی ءِ ہر حال اٹ بحال کینہ۔

Get real time updates directly on you device, subscribe now.

Leave A Reply

Your email address will not be published.