محکمہ جانجوڑی ڈاکٹر آتے رکھی کٹ فراوان کننگ نا بابت سنجیدہ اف‘ینگ ڈاکٹرز
Get real time updates directly on you device, subscribe now.
کوئٹہ (آن لائن) ینگ ڈاکٹرز ایسوسی ایشن بلوچستان نا صدر ڈاکٹر یاسر اچکزئی حکومت بلوچستان ءِ 48 گھنٹہ نا الٹی میٹم تس‘ کورونا وائرس آن زہمی مروک ڈاکٹر آتا ودوک آ کچ ڈاکٹر کمیونٹی و اوفتا خاہوت آتیکن خلیس نا سوب جوڑ مننگ اٹی ءِ‘ ینگ ڈاکٹرز ایسوسی ایشن نا صدر ڈاکٹر یاسر اچکزئی تینا جاری کروک بیان اٹ پارینے کہ صوبہ نا ہیلتھ یونٹ آتے ٹی پرسنل پروٹیکٹو ایکویپمنٹس، ایلو بنداوی آسراتی فراوان کننگ متنے‘ 2 انچ انا سینٹائیزر نا بوتل ترسا کوروناوائرس تون جنگ تننگ کن انگا‘ محکمہ جانجوڑی ڈاکٹر آتے رکھی کٹ فراوان کننگ و ساڑی حالیت آتے کنٹرول کننگ اٹ اسُل سنجیدہ اف۔ سیکرٹری و اسپیشل سیکرٹری جانجوڑی نا ڈیوالئی و سنجیدہ مفننگ نا سوب آن شیخ زید ہسپتال آ گدرینگوک کورونا نا زہمی ڈاکٹر آتے ہم ہچ آسراتی دوئی اف۔ کورونا غان زہمی ناجوڑ آتیکن صوبہ نا اسٹ انگا شیخ زید ہسپتال نا حالیت ہم جوان اف۔