بیوروکریٹ آک الس نا خذمت کننگ ءِ تینا شعار جوڑ کیر‘ خان محمدجتک
Get real time updates directly on you device, subscribe now.
کوئٹہ (آن لائن) سنی تحریک نا بنجائی راہشون خان محمدجتک بلوچ پارینے کہ بیوروکریٹ آک الس نا خذمت کننگ ءِ تینا شعار جوڑ کیر‘ کورونا نا پد اٹ الس نا توہین ءِ سگنگ کپنہ‘ سنی تحریک الس ءِ بے شرف کننگ کن الیپک انتئے کہ سنی تحریک مذہبی تنظیم تون اوار فلاحی تنظیم اس ہم ارے ہرا السی ویل و اوفتا شونداری وشونہالی کن کڑد ادا کننگ اٹی ءِ‘ غریب آتے دا مشکل ساہت اٹ راشن تننگ کن کاریم کننگ اٹی ءِ‘ بیوروکریٹ آک الس ءِ بے شرف کننگ نا جاگہ غا انسانیت نا احترام نا جوزہ اٹ اوفتتون پیش بریر‘ اوپارے کہ الس نا شونداری وشونہالی آن صوبہ سوگو مریک‘ کورونانا دَین بلوچستان ءِ بھاز زہمی کرینے‘ لاک ڈاﺅن وٹرانسپورٹ نا بند مننگ آن ارب آ روپئی تا نسخان مننگ ءِ۔ مزور‘ دیہاڑی دار و چنکا پوریاگرک لاک ڈاﺅن نا سوب آن با انا باخو نا آہری مسنو اوفتا ہلہلہ ئی بنداو آ مالی کمک و راشن فراوان کننگ ءِ پک کننگے۔