دکی ٹی مچ آنن ساتو ‘شیفکو علاقہ غاتے ٹی دیر سلیس

0

Get real time updates directly on you device, subscribe now.

دکی (آن لائن) دکی ٹی مچ آنن سہب اسکان ساتوی پِر انا سوب آن شیفکو علاقہ غاتے ٹی دیر سلیس‘ کیہی علاقہ غاتے ٹی درزن آن زیات کچہ انگا اُراتا دیوالک تمار‘ ولے خوش بختی اٹ ہچ ءُ جانی نسخان اس متو۔ بھاز پِر کننگ آن ناصر آباد روڈ آ نوکاپ نادیر انا بننگ آن کوہلو و ڈی جی خان آ ہنوک آ ٹریک مچ آ نن بند مس۔کلی ملا عبداللہ نا جل داسکان دیر اتنگ اٹی ءِ۔ خڑک انا خلق آتا بندغ آک جل انا دیرا تنگ ناسوب آن تینا اُراتیان گڑاتے کشسا اوفتے خالی کریر‘ اسماعیل شار انا علاقہ ٹی جل انا دیر خڑک انا آبادی اٹی پترینگا ہرانا سوب آن کیہی خلق آتا ڈغاری رابطہ کاٹ مس۔ شار اٹ نکاسی آب انا نالی تا بننگ ناسوب آن زمان روڈ اٹ ساڑی دکان و مارکیٹ اٹ نوکاپ نا دیر پترینگا‘ ہرانا سوب آن ٹیلر ماسٹر آتون اوار ایلو دکاندار تا گڑاتے دیر ہرفے ہرانا سوب آن اوفتا لکھ آ روپئی تا نسخان مس۔

Get real time updates directly on you device, subscribe now.

Leave A Reply

Your email address will not be published.