اوستہ محمدہسپتال اٹ آئسولیشن سینٹراٹ آسراتی فراوان کننگے‘السی تپّہ ناخواست

اوستہ محمد (آن لائن) سول ہسپتال اٹ آئسولیشن سینٹر ءِ بیرہ پن اکن جوڑ کننگانے۔ ولے کوروناوائرس نا بابت ہچ ءُ خاص ءُ گام گیج کننگ تنے‘ آئسولیشن سینٹر اٹ سرجیکل ماسک تو تینا جاگہ غا ولے اوکان چَپ داڑے کاریم کروک کارندہ غاتے لس ماسک و گلوز اسکان فراوان کننگ تنے‘ بیرہ ڈاکٹر آتے لس ماسک تننگتنے او تینا او پی ڈی وارڈ اٹی ءُ ولے کورونا وائرس نا کٹ سرجیکل ماسک گلوز اسکان اف‘ ہسپتال ناکارندہ غاک تینٹ فریشان ءُ تو لس شاری تے انت رسینگک‘السی تپّہ غاک پارینو کہ دا وخت آ ملک اٹ کورونا نا دَین تالان مسنے ہراڑان بچنگ کن سول ہسپتال اوستہ محمد اٹ حکومت کٹ اتون اوار پین اسہ آسراتی اس ہم فراوان کتنے‘ خداکَپ اگہ داڑے کیس رپورٹ مس تو داڑے ناجوڑ آتے انت آسراتی تننگک۔ ڈاکٹر آک اوفتے امر ہُررہ‘اوفتتون آسراتی مفننگ ناسوب آن کورونا نا کیسک پین ودرہ ‘ ڈاکٹر و کارندہ غاک ہم کورونا غان زہمی مننگ کیرہ۔