اخباری صنعت تون گنڈوک آتیکن پیکیج ناپڑو کننگے‘بلوچستان ایڈیٹرزکونسل

0

Get real time updates directly on you device, subscribe now.

کوئٹہ (آن لائن) بلوچستان ایڈیٹرز کونسل صوبہ ٹی اخباری صنعت نا بدحالی و محکمہ انفارمیشن نا رویہ غا است ہسونی نا درشانی ءِ کرسا بلوچستان اخباری صنعت تون گنڈوک کارندہ‘ ہاکر و محکمہ تعلقات عامہ بلوچستان نا ملازم و افسر آتیکن دمدستی خصوصی پیکج نا پڑو نا خواست کرینے‘ کوئٹہ غان جار کروک بیان اٹ بلوچستان ایڈیٹرز کونسل صوبہ نا اخباری صنعت نا بدحالی آ گڑتی درشان کرسا پارینے کہ بلوچستان اٹ پین صنعت مفننگ ناسوب آن دا جاگہ نا ہندی اخبارتا مچ آ سیبو حکومتی اشتہار تیا مریک ولے تدوک آ کیہی تُو آن بلوچستان نا حقی آ ہندی اخبار تے اشتہار تے ٹی گوجالسا اوفتے بند کننگ نا سازش کننگ انگ ءِ‘ دا سال جاری کروک خصوصی سپلیمنٹ (SS) نا اشتہار تے ٹی صوبہ نا حقی آ ہندی اخبار تے گوجالنگانے۔ بلوچستان ایڈیٹرز کونسل تینا بیان اٹ وزیراعلیٰ بلوچستان‘ چیف سیکرٹری‘ سیکرٹری اطلاعات‘ ترجمان حکومت بلوچستان آن خواست کرینے کہ صوبہ ٹی برجا لاک ڈاﺅن نا سوب آن اخباری صنعت تون گنڈوک کارندہ غاک با انا باخو نا آہری مسنو‘ حکومت دمدستی اخباری صنعت تون گنڈوک ایڈیٹر و اوفتا کارندہ و ہاکر آتیکن پیکیج ناپڑو کے۔

Get real time updates directly on you device, subscribe now.

Leave A Reply

Your email address will not be published.