ایچ ای سی یونیورسٹی و سائنسدان آتیان تخلیقی و پٹ وپولی سلاہ بٹنگا
Get real time updates directly on you device, subscribe now.
اسلام آباد(اے پی پی) ہائیر ایجوکیشن کمیشن ایچ ای سی کوروناوائرس نا برخلاف متحرک کڑد ادا کننگ کن یونیورسٹیز و سائنسدان تیان تخلیقی و پٹ وپولی سلاہ طلب کرینے۔ سے شنبے نادے آ ایچ ای سی نا کمامدارآک پاریر کہ یونیورسٹیز و سائنسدان تا پن مراسلہ اس مون تننگانے۔ مراسلہ ٹی پاننگانے کہ کوروناوائرس تون مون تننگ کن پٹ وپولی عمل کن خصوصی گرانٹ ہم تننگک۔ ایچ ای سی نا مراسلہ ٹی دینی آ مرض آتے ٹی سرویلنس نظام نا تیاری کن ہم سلاہ خواہنگانے وخت اس کہ پاننگانے کہ کوروناوائرس نا برخلاف قوت مدافعت ءِ ودفنگ کن ہم سلاہ تننگے۔ ایچ ای سی پاکستان اٹی کم خڑچ آن میڈیکل و سرجیکل ازباب آتاتیاری کن سلاہ خواہسونے۔ ای ای سی دا پروجیکٹ کن 27.5ملین روپئی جتا کننگ نا منظوری ءِ تسنے۔ ایچ ای سی تینا مراسلہ ٹی پارینے کہ 3اپریل اسکان غٹ سلاک ایچ ای سی ءِ بایدے ملر۔