اسلام آباد(اے پی پی) پاکستان تحریک انصاف نا باسک قومی اسمبلی فاروق اعظم ملک پارینے کہ کوروناوائرس نا برخلاف حکومتی گام گیج ناسرسہبی ٹی الس نا کمک بنداوی آگڑاءِ ، الس احتیاطی تدابیر تیا عمل کرسا داوائرس آن رکھ مننگ کیرہ۔ داہیت ءِ او سرکاری خبررساں ادارہ “اے پی پی” تون گپ وتران کرساپارے۔ اوپارے کہ دا مشکل ساہت اٹی الس وحکومت اواری اٹ ہِننگءُ، ہنداسوب ءِ کہ جوان ءُ بھرم بننگ ءِ۔ اوپارے کہ حکومت ءِ لس بندغ نا مشکل آتا اندازہ ارے۔ وزیراعظم عمران خان زرگزرانی پیکیج نا پڑوءِ کرینے۔ اسہ سوج اسے نا ورندی ٹی او پارے کہ چین اسہ وار ولدا مشکل ساہت اٹی سلوک ءِ و پبی کمک کننگ ءِ۔ اوپارے کہ قوم یکجا مرسا وائرس آن بچنگ کن مون آ بننگ ءُ، بھاز زوت دانا مون ءِ تورنہ۔