اپوزیشن اے پی سی نا بیانیہ مسترد
Get real time updates directly on you device, subscribe now.
اسلام آباد (آن لائن) وزیر اعظم عمران خان نا کماشی ٹی بنجائی کابینہ نا دیوان اٹ 18 ٹکی ایجنڈا غا سجفنگ آن پد کیہی ایجنڈا آئیٹم نا منظوری تننگانے۔ حوال نا رداٹ کابینہ دیوان اٹ ملکی سیاسی و سلامتی نا حالیت آ تینا خیال آتا درشانی ءِ کرے۔ دیوان اٹ حزب اختلاف نا آل پارٹیز کانفرنس نا فیصلہ غاتیا سجفنگا۔ اے پی سی ٹی نوازشریف نا ویڈیو تران نا ہم جاچ ءِ ہلنگا۔ بنجائی کابینہ دیوان اٹ اپوزیشن نا بیانیہ ءِ رد کرے۔ کابینہ دیوان اٹ نوازشریف نا جانجوڑی نا ویل آ ہم ہیت وگپ کننگا، دیوان اٹ ایس ای سی پی ڈیٹا لیکس نا معاملہ آ ہم سجفنگا و دا معاملہ ءِ سلامتی کن بھلو خلیس اس پن کریر، بنجائی وزیر فیصل واوڈا دا معاملہ غا جاست و پاست نا خواست کرے و پارے کہ واقعہ ٹی اختہ انگا چہرہ غاتے قوم انا مون آ اتنگے۔ فیصل واوڈا دا پاش کرینے کہ کابینہ ٹی شریک انگا وزیرک ایس ای سی پی ڈیٹا لیکس انا ویل آ نرمی خوارہ، معاملہ داخس سادہ اف، ڈیٹا لیکس انا کڑیک بھارت و اسہ میڈیا ڈل اسے تون ملرہ ہرافتا جاست و پاست المی ءِ۔