حلقہ تخلیق نو نوشکے نا مشاعرہ

قاسم ناز بلوچ

0

Get real time updates directly on you device, subscribe now.

حلقہ تخلیق نو نوشکے اسہ ہندن ءُ ادبی پلیٹ فارم اسے، ہرانئے بیرہ شاعر و نوشتوک آتا است بڈی ءِ کیک، بلکن اوفتے ادبی چاگڑد ترسا اوفتا تخلیقی گشاد ءِ ہم مون آ اتسا کاہک، داڑتون اوار اوار استاد و ادیب شاعر آتا کمک اٹ پوسکن آ ادب تون اوار مروک آ ادب نا طالب آتے فکری و عملی تربیت تننگ نا رواج ءِ مونی اتسا کاہک، ہندا سوب آن حلقہ تخلیق نو نوشکے ادبی چاگڑد ءِ رواج ترسا ادبی تربیتی لیکچر نا پروگرام اڈ ایتک، ہندن حلقہ تخلیق نو نوشکے نا مسخت ہندادے کہ پوسکن آ نوشتوک آتے جاگہ ترسا اوفتے ادبی خذمت آتے کن بیدار کننگ و اوفتے ادبی چاگڑد ترسا اوفتا ٹیلنٹ ءِ مونی اتنگے۔

9 اگست یک شنبے نادے حلقہ تخلیق نو نوشکے غریب آباد اٹ اسہ ادبی مچی اس اڈ تس، ہرا کل مسہ بشخ اٹ ئسکہ۔ اولی بشخ تربیتی لیکچر ئس، ارٹمی بشخ مشاعرہ نا ئس، ہندن مسٹمی بشخ سوج ورندی تا ئسکہ۔

دا مچی نا سوشل میڈیا غا کوریج کمکار زبیر راز و اسامہ سالار ئسر۔

خدابخش شکیب ضیا جان فاروقی دا مچی کن خاص بٹنگ انگاسر۔

دا مچی نا اسٹیج نا شونکاری ءِ اعجاز راحت دوئی کرے، مچی نا بنا تلاوت قرآن کریم آن مس، ہرانا بختاوری ءِ طارق نسیم الحسنی دوئی کرے، محمد نا شان اٹ نعت شریف اس ہم خوانا، دا مچی نا اولی بشخ ہرا لیکچر نا ئسکہ ہراٹی مجلس نا صدر خدابخش شکیب و عطا شاہ کلانی لیکچر تسر۔ خدابخش شکیب ادب تون است خواہی تخوک آ پوسکن آ نوشتوک آتے تینا بروک آ وخت انا سرمایہ پارسا پارے کہ اسہ زندہ ءُ قوم اسے نا پجار ہمو قوم نا ورناک پاننگرہ، ہندن او مطالعہ کننگ نا خاص پارے کہ اخس مریک تینا وخت ءِ مطالعہ تون گدریفبو۔ ہرا اسہ زندہ ءُ راج اسے کن بھاز المی گوندنگک۔ او گڈسر اٹ حلقہ تخلیق نو نا منت ءِ ہرفے۔

عطا شاہ کلانی مچی ٹی بشخ ہلوک آ شاعر تے لوز انسان و اونا معنہ و انسانیت نا مسخت و خذمت ءِ بیان کرسا پارے کہ کنے اینو بھاز خوشی مننگ ءِ کہ نوشکے ٹی ادبی چاگڑد ءِ برجا تخنگ و سرسہب ءُ مچی اڈ تروک آ پلیٹ فارم ہراکہ تخلیق نو نا پن اٹ چاہنگک، ہرا پوسکن آ شاعر تے کن اسہ خاص ءُ پلیٹ فارم اسے ہراٹی پوسکن آ ادب ہیل کروک آتے کن مشاعرہ اڈ تننگک۔

حلقہ تخلیق نو نا بانی نذیر اعجازی مچی ٹی بشخ ہلوک آ کل مہمان تا منت ءِ ہرفے، دامچی کن کمک کروک آ قاسم ناز بلوچ و محمد ابوبکر الحسنی نا خصوصی منت ءِ ہرفے۔

مجلس نا ارٹمی بشخ مشاعرہ نا ئسکہ، ہرانا شونکاری ءِ عطا شاہ کلانی سر تس، مشاعرہ ٹی کل سی 30 شاعر بشخ ہلکر، ہرافتا پنک داوڑ اٹی ءُ۔

اعجاز راحت، منصور حیات، نعمت بلوچ، وقار شہزاد، عدنان سفیر، نور محمد نور، عاطف دلبر، انزل فکر، ماجدی، طارق نسیم، صغیر حمل نوشکوی، شاہد شاز، نعمت شہزاد، صفی ساجد، شمیم سحر، اسماعیل ساگر، مہر باسط، لطیف تبسم، نصیب مسکان، نذیر اعجازی، ضیاء جان فاروقی، خدابخش شکیب، عطا شاہ کلانی، ماما ابراہیم بلوچ، اسامہ سالار، عاقل بلوچ۔

ہفتئی تلار

تاک: 34

05 September 2020

پنہ، 6

Get real time updates directly on you device, subscribe now.

Leave A Reply

Your email address will not be published.