صوبائی حکومت نا بے سود وام تیان روزگار نا وارخواہیک ودرہ، جام کمال خان

0

Get real time updates directly on you device, subscribe now.

کوئٹہ (خ ن) وزیراعلیٰ بلوچستان جام کمال خان پارینے کہ صوبائی حکومت بے سود وام تیان روزگار و چنکو کاروبار نا آسراتی تننگ، غریبی و بیروزگاری نا ایسری و سود آن پاک راج اسے نا جوڑی خوانہ ہراڑان چنکا کہول آ زرگزرانی کاریم تے جوانی دوئی مریک، دا خیال آتا درشانی ءِ او اسہ بڑزکو کہولی دیوان اسے ٹی کرے ہراٹی وزیراعلیٰ راجی اقتصادی انیشیٹیو نا برجا و خاص وڑ اٹ مالی سال 2020-21ء کن مجوزہ ڈٹ آتا جاچ ءِ ہلنگا، سیکرٹری خزانہ نورالحق بلوچ پُوسکن آ مالی سال انا راجی و زرگزرانی شونداری نا ڈٹ آتا بابت بریفنگ تس، صوبائی وزیر خزانہ میر ظہور احمد بلیدی، ایڈیشنل چیف سیکرٹری ڈٹ بندی و شونداری عبدالرحمن بزدار و سیکرٹری محنت وافرادی قوت سائرہ عطاء ہم دیوان اٹ بشخندار ئس، سیکریٹری خزانہ دیوان ءِ معلومدار کرے کہ کووڈ۔19 نا دے تیٹی وزیراعلیٰ نا پارت نا روشنائی ٹی 550ملین روپئی نا خڑچہ ٹی ایمرجنسی لون اسکیم ءِ مون آ اتنگا ہراڑا اخوت فاؤنڈیشن نا شریکی ٹی عملدرآمد برجا ءِ، دا اسکیم نا رداٹ دا وخت اسکان 14765 بندغ آتے بے سود وام تننگانے و داسکان دا پروگرام آ 295ملین روپئی خڑچ مس، اخوت فاؤنڈیشن نا کنڈآن امنا کننگانے کہ دا پروگرام ہر وڑ نا سیاسی یا انتظامی مداخلت آن پاک ءِ ہراڑا دا پروگرام نا افادیت و داڑا اُلس نا اعتماد اٹ ودکی مس، پروگرام نا رداٹ تروک آ وام تا پدی اتنگ نا چر ہم بنا مسنے ہرانا شرح 95 درسد ءِ، دیوان ءِ پاننگا کہ سال 2020-21ء نا دے تیٹی وزیراعلیٰ بے سود وام اسکیم کن ہم 2ارب روپئی جتا کننگانے ہرانا رداٹ بیروزگار ورنا تے لکھ روپئی اسکان نا وام تننگک ہراڑا او چنکو کاروبار اس بنا کننگ کیرہ۔ 

Get real time updates directly on you device, subscribe now.

Leave A Reply

Your email address will not be published.