پاک فوج چیلنج و علاقائی گڑتی تیان جوان معلومدار ءِ، آرمی چیف 

راولپنڈی(آن لائن)آرمی چیف جنرل قمرجاویدباجوہ پارینے کہ پاک فوج ءِ دروئی مروک آ چیلنج آک و علاقائی خطرہ غاتیان جوان وڑ اٹ معلومدار ءُ، مادروطن نا رکھ اکن تہہ و پیشن نا چیلنج آتیا سجفنگ اٹی اُن، دشمن ءِ ہر وڑ نا خطرہ غاتیٹی جوان ورندی تننگ کن تیار اُن۔ ڈی جی آئی ایس پی آر نا رداٹ آرمی چیف جنر ل قمر جاوید باجوہ جہلم نا ماس آ فیلڈفائرنگ رینجز نا دورہ ءِ کرے۔ آرمی چیف پُوسکن انگا چینی جوڑ کروک آ وی ٹی فورٹینک نا عملی مظاہرہ ءِ ہرا۔ آرمی چیف ٹینک وی ٹی فور نا کارکڑد آ اُست خواہی نا درشانی ءِ کرے ہراکہ ملکی کہول آ تیار مروک آ الخالد ون ٹینک آن پد آرمڈ کور اٹ اسہ پین پُوسکن ءُ ٹینک اسے نا ودکی مریک۔