کورٹ ءِ شتف تننگے، شیخ رشید نا نواز شریف نا تران آ رد عمل

اسلام آباد (آن لائن) بنجائی وزیر ریلوے شیخ رشید احمد پارینے کہ نوازشریف پاہک ووٹ ءِ عزت ایتبو، ای پاوہ کورٹ ءِ ہم عزت ایتبو۔ مسکوہی وزیراعظم نوازشریف نا اے پی سی ٹی ویڈیو لنک اٹ تران نا رد عمل اٹ پارے کہ کل خراب انگا بیدہ غاک اسہ ٹوکری ٹی مچ مسر، ولے دا کل اوار مریر ہم عمران خان تون ہچ اس کننگ کپسہ۔ نوازشریف پاہک کہ ووٹ ءِ عزت ایتبو ای پاوہ کورٹ ءِ ہم عزت ایتبو۔ بنجائی وزیر ریلوے پارینے کہ اپوزیشن نا کنڈآن حکومت مخالف تحریک نا پارہ ولے دافک اسمبلی تیان استیفہ تفسہ، وخت اس کہ دا بیرہ ٹی وی ٹی وی گوازی کننگ اٹی ءُ۔ یات سلے کہ مسلم لیگ ن نا کماش و مسکوہی وزیراعظم نوازشریف پارینے کہ ووٹ ءِ عزت ترسا  پاکستان جہانی برادری ٹی عزت و وقار دوئی کننگ کیک ہراتم ووٹ نا عزت ءِ پامال کننگک تو مچ آ جمہوری عمل بے معنی مریک۔