راج ءِ بریبر حق تننگ آن بیدس راجی شون ہلنگ کپک، مالک بلوچ

خالق نگر(آن لائن)مسکوہی وزیر اعلیٰ ڈاکٹر مالک بلوچ پارینے کہ راج ءِ بریبر حق تننگ آن بیدس راجی شون ہلنگ کپک، دا ہیت آتے او نیشنل پارٹی لاہور نا کنڈ آن پریس کلب لاہور اٹی سینیٹر میرحاصل خان بزنجو نا یات اٹ ”ہڑزخواہی ریفرنس“ نا وخت آ کرے۔ ہرانا کماشی ءِ او کریکہ۔ وخت اس کہ دانشور ڈاکٹرمبارک علی، صحافی امتیاز عالم، صدر نیشنل پارٹی پنجاب ایوب ملک، آئی اے رحمان، پی پی رہنماء بیرسٹر عامر حسن، ورکرزپارٹی راہشون شازیہ خان و ایلو سنیئرقومی سیاسی و راجی راہشون، دانشور آک گپو تران کرسا گچین آ لوز آتیٹ میرحاصل خان بزنجو نا سیاسی، راجی، انسانی و السی جہد آ اودے خراجِ عقیدت پیش کرے۔ ترانکار آک میرحاصل خان بزنجو نا جمہوریت کن کڑد انا ستا ءِ کریر و پاریر کہ او اسہ مدبر و دوراندیش سوچ اسے نا خواجہ ئس۔