پی ایس جی بے سہب‘بائرن میونخ ششمیکو وار چیمپیئنز لیگ ءِ کٹا

لزبن (مانیٹرنگ ڈیسک) چیمپیئنز لیگ نا فائنل میچ تدوک آ دے بائرن میونخ او پیرس سینٹ جرمین نا نیام اٹ گوازی مسوسُس۔ ورنا غا گوازی گر کنگزلے کومن بائرن نا کنڈ آن اسہ گول اس کرے۔ دا میچ پرتگال نا دارالحکومت لزبن اٹ گوازی مس۔ سیلی تیان بیدس پُل و لاڑو آ دا مقابلہ ٹی پیرس سینٹ جرمین نا نمائندگی ءِ کروک آ جہانی پنی آ گوازی گر نیمار فائنل میچ اٹ ہچ ءُ گول اس سکور کننگ کتو۔ میچ اٹی تینا جوان انگا گوازی ءِ پیش کننگ نا سوب آن گول کیپر مینوئل نوئر کل انا سجفنگ نا بنجاہ سلیس ہرا کس اس یہم گول پوسٹ انا ماس آ ہلیتو۔ یات سلے کہ پی ایس جی ءِ 2011ء ٹی قطری شاہی خاہوت ہلکوسُس۔ اگہ فرانسیسی کلب فائنل ءِ کٹاکہ تو او تینا ملک انا ارٹمیکو کلب مسکہ ہرا چیمپیئنز لیگ اٹ سرسہبی نا اعزاز ءِ دوئی کرینے۔ داکان مست 1993ء ٹی دا مقابلہ مارسے کٹاسُس۔ جرمن کلب بائرن میونخ داکان مست پنچ وار دا ٹرافی ءِ تینا پن آ کرینے۔ داکان قنل 2013ء ٹی او دا ٹائٹل ءِ تینا پن آ کریسُس۔