دورہ انگلینڈ آن بھاز گڑا ہیل کریٹ‘عابد علی

ساؤتمپٹن (مانٹیرنگ ڈیسک) پاکستان کرکٹ ٹیم نا اوپنر عابد علی پارینے کہ او تینا اولیکو دورہ انگلینڈ آن بھاز آ گڑاتے ہیل کرینے۔ ٹیسٹ کرکٹر عابد علی کن انگلینڈ اٹ ٹیسٹ سیریز تینا ایسری اسکان سر مسنے، او ہر مسٹ انگا ٹیسٹ میچ آتے ٹی پاکستان ٹیم نا بشخ اس سلیس، مانچسٹر اٹ 16 او 20 رنز جوڑ کرے ساؤتھمپٹن نا ارٹمیکو ٹیسٹ نا اسہ ڈائی ٹی او 60 رنز نا ڈائی اس گوازی کرے وخت اس کہ ساؤتھمپٹن اٹ مروک آ مسٹمیکو ٹیسٹ نا 2 ڈائی ٹی عابد علی 1 او 42 رنز جوڑ کرے۔ سری لنکا نا برخلاف ڈیبیو ٹیسٹ اٹ سنچری اسکور کرو ک آ عابد علی پارینے کہ ٹیم ہرا پلان ءِ تسنے کنے اونا رداٹ گوازی کننگ نا کوشست کرینٹ، پلان ہندا ئس کہ وکٹ آ زیات آن زیات سلوئی ءِ، سیریز اٹ ہندا پلان نا رداٹ گوازی کننگ نا کوشست کرینٹ، داٹی سرسہب ہم مسوٹ او پین مرغن ءُُ ڈائی اس گوازی کننگ کریٹہ۔ او پارینے کہ انگلینڈ اٹ گوازی کننگ سخت ءُُ ٹاسک اس ئس او اسہ بھاز بھلو چینلج اس ئس انتئے کہ کنڈیشن آسان مفک، کنا دا اولیکو انگلینڈ نا دورہ ءِ۔