نوشکے ‘مسہ جتا جتا واقعہ غاتے ٹی چناس زوال‘ 2 بندغ ٹھپی مسر
Get real time updates directly on you device, subscribe now.
نوشکے (تلار حوالکار) نوشکے ٹی مسہ جتا جتا واقعہ غاتے ٹی چناس زوال‘ 2 بندغ ٹھپی مسر حوال نارد اٹ پتکین نا علاقہ ٹی پک اپ گاڈی نا لتاڑنگ آن 8 سال انا چنا فرمل ولد عبدالصمد ساکن پتکین پڈین ٹھپی مس ہرادے سول ہسپتال نوشکے آ سر کننگاکہ کہ کسر اٹ زوال مس‘ لاش ءِ المی کارروائی آن گڈ اونا وارث آتے تننگا‘ ارٹمیکو واقعہ ٹی جمال آباد نا خڑک آ موٹر سائیکل نا شکست اٹ برکت علی ساکن زرین جنگل بھاز ٹھپی مس ہرادے دمدستی سول ہسپتال نوشکے آ گدریفنگا‘ مسٹمیکو واقعہ ٹی نوشکے بازار قادر آباد اسٹاپ نا خڑک آ جنگ اٹ مسہ بندغ علم زیب ولد شاہ محمد مینگل ساکن قادر آباد ءِ خلکر ٹھپی کریر‘ پولیس اسہ بندغ اسے دزگیر کرسا ٹھپی ءِ سول ہسپتال نوشکے آ سر کرے‘ پولیس واقعہ نا مستی جاست پاست ءِ کننگ اٹی ءِ۔