کوئٹہ شار اٹ عئید آ سَفائی نا خصوصی مہم شین تننگا
Get real time updates directly on you device, subscribe now.
کوئٹہ (آن لائن) میٹروپولیٹن کارپوریشن کوئٹہ نا ایڈمنسٹریٹر طارق جاوید مینگل نا چاروکی ٹی شار اٹ عئید آ سَفائی نا خصوصی مہم ترتیب تننگانے‘ ہرانا رد اٹ شار انا چندی علاقہ غاتیان عئیدی تا خس وخول ءِ ہرفنگ کن خصوصی پروگرام ترتیب تننگانے‘ ادارہ نا سینیٹیشن و ایم ٹی سیکشن نا افسر آک عئید انا دے تے ٹی تینا ڈیوٹی تیا ساڑی مریرہ و کارندہ غاتا چاروکی ءِ کیرہ‘ عئید سَفائی مہم کن خصوصی کنٹرول روم ہم جوڑ کننگانے ہراڑے فون اٹ سَفائی نا بابت ڈہ تننگ مریک‘ عئید آن مست عئیدگاہ تے ٹی سَفائی نا خصوصی بست وبند کننگانے‘ ایڈمنسٹریٹر میٹروپولیٹن کارپوریشن کوئٹہ شاری تیان خواست کرینے کہ عئیدی تا خس وخول ءِ سڑک و نالی تے ٹی خسپ وشار انا کھدکتر نا ڈہ ءِ دمدستی فون آ کنٹرول روم آ تننگے تاکہ اوفتے دمدستی ہرفنگ مرے و سَفائی ءِ پک کننگ مرے۔