مستونگ‘سکیورٹی فورس آتا چوکی آ دستی بمب اٹ جلہو‘ سم کاری‘ جانی نسخان متو
Get real time updates directly on you device, subscribe now.
مستونگ (آن لائن) نادرست بندغ آتا سکیورٹی فورس آتا چوکی آ دستی بمب اٹ جلہو‘ سم کاری‘ جلہوگیر آک نرنگ اٹ سرسہب مسر‘ جانی نسخان متو۔ حوال نارد اٹ پنچ شنبے نادے سہب انا پنچ بجہ غا مستونگ بازار نا بنجائی چوک سلطان شہید چوک آ ساڑی حبیب بینک انا زی آ جوڑ ایف سی کارندہ غاتا چوکی آ نادرست سلہہ بند موٹرسائیکل سوار آک 2 دستی بمب خسار ہرافتیان اسٹ بینک انا مون آ وایلو ایف سی کارندہ غاتا چوکی ناخڑک آ دھماکہ ٹی ترخا۔ حوالی نا رد اٹ بمب جلہو تیان پد سکیورٹی فورس و جلہوگیر تا نیام اٹ سم کاری ہم مس ولے بمب جلہو و سم کاری آن ہچ ءُ جانی نسخان متو‘ واقعہ غان گڈ سکیورٹی ادارہ غاک شار انا چندی علاقہ و لنک روڈ آتا ناکہ بندی ءِ کرسا سرچ آپریشن کریر ولے کس اس دزگیر متنے۔