آئی سی سی نا چیئرمین ششانک منوہر 4 سال آن پد تینا عہدہ ءِ اِلا

دبئی (مانیٹرنگ ڈیسک) انٹرنیشنل کرکٹ کونسل (آئی سی سی) نا بھارتی چیئرمین ششانک منوہر چار سال آن پد تینا عہدہ ءِ اِلا۔ درملکی خبر رساں ایجنسی ‘اے ایف پی’ نا رداٹ ششانک منوہر تینا عہدہ غا سلسا آئی سی سی نا تنظیم نو نا کوشست کرے او کرکٹ کن مسہ امیر ءُُ ملک (بگ تھری) آسٹریلیا، بھارت و انگلینڈ نا بھلنی ءِ ایسر کرے۔ او 2016 ٹی آئی سی سی نا اولیکو آجو چیئرمین مسوسُس او اِرا سال آن پد صدارت نا ارٹمیکو وخت اکن ہم بے مقابلہ غان گچین مس۔ منہ وخت مست او پاریسُس کہ او پین اِرا سال نا کنٹریکٹ ہلپک وخت اس کہ تینا عہدہ غان جتا مننگ کن تیار ءِ۔ آئی سی سی نا چیف ایگزیکٹو منو سواہنے پارینے کہ ‘ای آئی سی سی بورڈ، کمامدار و مچ آ کرکٹ خاہوت نا کنڈآن ششانک منوہر نا کماشی و گوازی نا جوانی کن او انت اس کہ کرے اونا منتواری ءِ ہرفوہ۔