وزیردفاع سیکورٹی اینڈ ڈیفنس فورم اٹی بشخ ہلنگ کن برسلز آ سرمس
برسلز، وزیردفاع خواجہ محمد آصف یورپی یونین نا خارجہ باندات وسلامتی پالیسی نا سروک و نائب صدر کایا کالاس نا خصوصی سلہ غا اِرادے ئی شومین سیکورٹی اینڈ ڈیفنس فورم اٹی بشخ ہلنگ کن برسلز آ سرمس ہراڑے او علاقائی و جہانی سلامتی نا حالیت و اہم دفاعی باندات آ پاکستان نا موقف ءِ پیش کیک۔ وزارت دفاع غان جاری بیان نا رداٹ دورہ ٹی وزیردفاع خواجہ محمد آصف نا برسلز اٹی یورپی یونین نا بڑزکو دفاعی و سلامتی کمامدارآتتون اہم اوڑدہی ہم شیڈول نا بشخ ءِ۔ بیان اٹی پاننگانے کہ شومین سیکورٹی اینڈ ڈیفنس فورم اٹی پاکستان نا بڑزکو کہولی بشخ ہلنگ جہانی امن، سلامتی و دفاعی کمکاری ٹی پاکستان نا فعال و زموارانہ کڑد انا ڈیک ءِ وخت اس کہ دا جہانی دفاعی فورم اٹی اواری ملک انا ودوک آ دفاعی لائخی، سفارتی اہمیت و جہانی کہول آ گچین کڑد انا امنائی ءِ۔ بیان اٹی پاننگاکہ پاکستان جہانی امن و سوگوی، علاقائی سلامتی و جہانی دفاعی کمکاری نا مونی دننگ کن تینا تعمیری کڑد ءِ برجا تخنگ کن سنبرینگوک ءِ۔