محکمہ خزانہ بلوچستان نا کنڈ آن کیہی سرحال آتیا ہیلکاری سرجز آک برجا
کوئٹہ، محکمہ خزانہ حکومت بلوچستان نا کنڈآن برجا ہیلکاری پروگرام نا چارمیکو دے ہم جتا اہم مالیاتی، انتظامی و شونداری سرحال آ ہیلکاری سرجز آک برجا سلیسر۔ دا وخت آ صوبائی وزیر خزانہ میر شعیب نوشیروانی، سیکرٹری خزانہ جہانگیر کاکڑ و اسپیشل سیکرٹری عارف اچکزئی ہیلکاری پروگرام نا خصوصی دورہ ءِ کریر۔ دا وخت آ صوبائی وزیر خزانہ میر شعیب نوشیروانی، سیکرٹری خزانہ جہانگیر کاکڑ و اسپیشل سیکرٹری عارف اچکزئی ہیلکاری دوئی کروک افسر آتتتون اوڑدہی کریر و اوفتتون چندی باندات آتیا گپ وتران کریر۔ او ہیلکاری پروگرام نا اڈ تننگ‘ اونا مسخت، فائدہ و شریدار آتا کسبی لائخی تے ٹی مروک پیش رفت نا جاچ ءِ ہلکر‘ دا وخت آ ہیلکاری دوئی کروک افسر آتا است بڈی ہم کننگا۔