گوادر، محکمہ لائیو اسٹاک نا کنڈ آن مالدار آتے مفت دارو تننگا

گوادر، صوبائی حکومت نا لائیو اسٹاک ڈویلپمنٹ پالیسی نا رد اٹ ڈسٹرکٹ لائیو اسٹاک آفیسر گوادر ڈاکٹر صابر علی نا چاروکی ٹی محکمہ لائیو اسٹاک نا کنڈ آن مالدار آتے اوفتا درگہ غا ویٹرنری آسراتی تا فراوانی، ساہدار تا جانجوڑی نا رکھ و خلقی زرگزران نا سوگوی کن عملی گام گیج آک برجا ءُ۔ دا رد اٹ ڈاکٹر مجید و اونا ٹیم میر جت، گبد، کرمی، حمل بازار و ایب کیب انا علاقہ غاتیٹی مفت ویٹرنری موبائل کیمپ نا بست وبند کریر۔ ہراٹی سد آ ساہدار تا مفت طبی جاچ و درمان کننگا۔ کیمپ اٹ ساہدار تے وبائی ناجوڑی تیاں رکھوک تخنگ کن رکھی ویکسی نیشن کننگا، مالدار تیٹی مفت دارو ہم بشخ وپانٹ کننگا وخت اس کہ ساہدار تا گچین نگہداشت، بریبر کنشت، ناجوڑی تا وخت آ تشخیص و رکھی تدبیر تون تعلقدار معلومداری ہم فراوان کننگا۔