وزیراعظم نا COP31 نا وخت آ جہانی راہشون تتون اوڑدہی
Get real time updates directly on you device, subscribe now.
انطالیہ، وزیراعظم محمد شہباز شریف ترکیہ نا شار انطالیہ ٹی اڈ ہلوک آ جہانی چاگڑدی کانفرنس COP31 اٹی پاکستان نا نمائندگی نا وخت آ کیہی ملک آتا سروک و جہانی ادارہ غاتا نمائندہ غاتتون کیہی غیر رسمی اوڑدہی تے کرے، ہرافتے ٹی تین پہ تینی تعلقداری تا شون تننگ‘ ڈیہہ انا حالیت و موسمیاتی بدلی آن زہمی ملک آتے مون تروک ٓ خواری تیا گپ و تران مس۔ وزیراعظم دا وخت آ فلسطینی الس اتون پاکستان نا نزور مفروک یکجہتی نا دوارگی ءِ ہم کرے۔ وزیراعظم شہباز شریف مملکت سعودی عرب نا وزیر توانائی شہزادہ عبدالعزیز بن سلمان آل سعود، بنگلہ دیش نا وزیراعظم طارق رحمان و اسلامی کمکار تنظیم نا سیکرٹری جنرل اسماعیل اولد شیخ احمد تون اوڑدہی کرے۔ وزیراعظم فلسطین نا وزیراعظم محمد مصطفی تون ہم اوڑدہی کرے، ہراٹی او حکومت پاکستان و پاکستانی الس نا کنڈ آن فلسطینی الس تون یکجہتی نا درشانی ءِ کرے۔