ایرانی صدر مسعود پزشکیان کوپ 31 اٹی بشخ ہلنگ کن ترکیہ ءِ سر مس
Get real time updates directly on you device, subscribe now.
انطالیہ، ایرانی صدر مسعود پزشکیان چارشنبے آ اقوامِ متحدہ نا موسمیاتی کانفرنس کوپ 31 اٹی بشخ ہلنگ کن ترکیہ ءِ سر مس۔ او پارینے کہ کانفرنس اٹ امریکہ و اسرائیل نا کارروائی ٹی چاگڑد ءِ رسینگوک آ نسخان نا باندات ءِ چست کیک۔ ایران نا سرکاری خبر رساں ایجنسی ارنا نا رِد اٹ مسعود پزشکیان چارشنبے آ ترکیہ نا شار انطالیہ ءِ سر مس، ہراڑے او اقوامِ متحدہ نا 31 میں موسمیاتی بدلی کانفرنس اٹی بشخ ہلک۔ ایرانی خبر رساں ایجنسی نا رِد اٹ کانفرنس نا وخت آ پزشکیان شریدار ملک آتا راہشون و بڑزکو کہولی کمامدار آتتون اوڑدہی و گپ وتران کیک۔ دا اوڑدہی تیٹی ڈیہہ انا حالیت و تین پہ تینی تعلقداری تون اوار چندی باندات آتیا شرہ مننگ ناگمان ارے۔ تہران آن راہی مننگ آن مست ایرانی صدر پاریسس کہ کانفرنس اٹی امریکہ و اسرائیل نا کنڈ آن چاگڑد ءِ بھس کروک آ سرجز آتیا گپ و تران کننگک۔ پزشکیان پارینے کہ ایران دا جہانی فورم ءِ چاگڑدی نسخان و ڈیہہ ءِ مون تروک ویل آتا کنڈ آ جہانی برادری نا چکار ءِ کرفنگ کن کاریم اٹ اتیک۔