قومی اسمبلی نا دیوان 16 نومبر آ بٹنگ انگ نا فیصلہ، اہم کانود جوڑ کننگک
Get real time updates directly on you device, subscribe now.
اسلام آباد، قومی اسمبلی نا دیوان 16 نومبر آ بٹنگ انگ نا فیصلہ کننگانے، ہراٹی جہانی مالیاتی فنڈ (آئی ایم ایف) تون تعلقدار بل آتتون اوار اہم کانود سازی کننگ نا گمان ءِ۔ دا رد اٹ وزارت پارلیمانی باندات دیوان ءِ بٹنگ انگ نا سمری ءِ وزیراعظم آراہی کرینے‘ پارلیمانی حوالی نا رد اٹ قومی اسمبلی نا دیوان بٹنگ انگ کن سمری ءِ وزیراعظم آ راہی کننگانے‘ ہراکان پد صدرِ مملکت وزیراعظم نا ایڈوائس آ قومی اسمبلی نا دیوان ءِ بٹنگک۔ حوالی نارد اٹ 16 نومبر آ بنا مروک دیوان اٹی آئی ایم ایف تون تعلقدار بل آتتون اوار چندی اہم کانودی باندات آتیا سجفنگ تون اوار حکومت نا کنڈ آن اہم کانود سازی کننگک۔ دیوان نا ایجنڈا و کانود سازی تون تعلقدار پین جم تا مونی بننگ نا گمان ارے۔