اے ون امتحانی عمل اٹ ہچ ءُ ڈیوالئی اس سگپنہ، اشفاق احمد

کوئٹہ، ایڈیشنل آئی جی پولیس و کمانڈنٹ بلوچستان کانسٹیبلری اشفاق احمد نا کماشی ٹی بلوچستان کانسٹیبلری ہیڈ کوارٹر بدر لائن اٹی اے ون امتحان تا بست وبند اتون تعلقدار دیوان اڈ ہلک، ہراٹی ایس ایس پی ہیڈ کوارٹر کمال خان کپسی و کل زونل کمانڈر آک بشخ ہلکر۔ دیوان آن تران کرسا ایڈیشنل آئی جی پولیس و کمانڈنٹ بلوچستان کانسٹیبلری اشفاق احمد پارے کہ اے ون امتحان 13 نومبر 2026ء آ اڈ ہلیک ہرافتا اڈ تننگ اٹی شفافیت، میرٹ و بے کنڈ ہلوک وڑ ءِ امر کہ مرے پک کننگک‘ او پیدوار کرے کہ امتحانی عمل اٹی ہچ وڑ انا ڈیوالئی، بے پرواہی اسُل سگنگ مفک و ہرکارندہ ءِ اونا لائخی و میرٹ نا رِد اٹ اونا روا انگا حق تننگک۔ او پارت کرے کہ امتحان تے ٹی فول پروف سیکورٹی بست وبند کننگک۔