اسسٹنٹ کمشنر اورماڑہ ڈاکٹر ماہ نور برکت نا کرّکی علاقہ نا دورہ
Get real time updates directly on you device, subscribe now.
گوادر، السی غاو تا نوٹس ءِ ہلسا اسسٹنٹ کمشنر اورماڑہ ڈاکٹر ماہ نور برکت چیف آفیسر مندوست و ہندی کمیونٹی نا نمائندہ غاتتون اوار کرّکی علاقہ نا دورہ ءِ کرے، ہراڑے او دیر انا کشنگ نا بھرمی نظام مفننگ نا سوب آن مچ مروک آ دیر و فیکٹری تا خراب دیر انا سیوریج نا دیر آن ودی مروک حالیت آتا جاچ ءِ ہلک۔ دا وخت آ اسسٹنٹ کمشنر جاگہ غا ساڑی حالیت آتا جاچ ءِ ہلک و خراب دیر انا سوب آن شاری تے مون تروک گمانی طبی گڑتی‘ خاص وڑ اٹ جلد انا ناجوڑی و دیر آن تالان مروک آ ناجوڑی تا گڑتی تا جاچ ءِ ہلک۔ اسسٹنٹ کمشنر تعلقدار محکمہ و ہندی نمائندہ غاتے تین پہ تینی کمکاری اٹ ویل نا ایسری، دیر انا کشنگ نا جوان بست و بند و چاگڑدی رکھ کن گچین گام گیج آتا گرج آ زور شاغا۔