اسپیکر قومی اسمبلی نا ایم این اے نور عالم خان نا ایلم نا مار انا خون آ ارمان
Get real time updates directly on you device, subscribe now.
اسلام آباد، اسپیکر قومی اسمبلی سردار ایاز صادق پشاور نا علاقہ حیات آباد اٹی قومی اسمبلی نا باسک نور عالم خان نا ایلم نا مار و نادرانا ڈپٹی ڈائریکٹر فہدخان نا خون نا مذمت ءِ کرینے۔ جمعہ نادے آ تینا اسہ مذمتی بیان اسے ٹی اوقومی اسمبلی نا باسک نور عالم خان و ایماندار نا پدخاہوت تون است ہسونی و ہمدردی نا درشانی ءِ کرے، ڈکھیائی نا داساہت اٹی پدخاہوت نا غم اٹی بریبرنا شریدار اُٹ‘ ایماندار فہدخان نا خون خاہوت کن اسہ پورو مفروک ءُ نسخان اسے۔ واقعہ ٹی اوار دوبہ دار آتے زوت آن زوت دزگیرکرسا کانود نا مون آ اتنگک۔ اوایماندار نا درجہ غاتا بڑزی وپدخاہوت کن صبرجمیل نا دعاکرے۔