سیکورٹی فورس آتا پنجگور نا علاقہ پروم اٹی کارروائی، 173 اوغان باتی دزگیر
Get real time updates directly on you device, subscribe now.
پنجگور، سیکورٹی فورس آتا پنجگور نا علاقہ پروم اٹی انسانی اسمگلنگ نا توننگ کن سرسہب کارروائی، 173 کانود آن چَپ اوغان باتی دزگیر۔ سیکورٹی فورس آک پنجگور نا علاقہ پروم اٹی سرسہب کارروائی نا وخت آ انسانی اسمگلنگ نا کوشست ءِ بے سہب کریر۔ کارروائی نا وخت آ زالبول و چناتتون اوار 173 کانود آن چَپ اوغان باتی دزگیر کننگا۔ یات سلے کہ بھلو کچ اسے ٹی اوغان باتیک اوغانستان اٹی ساڑی زرگزرانی و راجی مشکل و ایلو سوب آتیان تینا ملک ءِ السا انسانی اسمگلر آتا دُرو ٹی برسا پاکستان نا کسر اٹ ایران، ترکی و یورپی ملک آتسکان ہننگ نا کوشست کیرہ۔ سیکورٹی فورس آتا کنڈآن انسانی اسمگلنگ نا توننگ کن کارروائیک پدریسہ برجاءُ۔ دزگیر مروک کل اوغان باتی تے مستی کانودی کارروائی کن پولیس نا دوٹی تننگک۔ (نامہ نگار)