سید ہاشمی سد سالہ دود آتا رد اٹ نوری نصیر خان کلچر کمپلیکس اٹ پروگرام
Get real time updates directly on you device, subscribe now.
کوئٹہ، ڈائریکٹوریٹ آف کلچر حکومت بلوچستان نا کنڈآن پنی آ بلوچی شاعر، ادیب و اسکالر سید ظہور شاہ ہاشمی نا سد سالہ دود آتا نا رد اٹ نوری نصیر خان کلچر کمپلیکس اسپنی روڈ کوئٹہ ٹی اسہ شرفدار ءُ دود اس اڈ ہلک۔ دود انا کماشی ءِ ڈاکٹر عبدالمالک بلوچ کرے۔ دا گچین آ دود اٹ “مکالمہ و شعر و شاعری نا دیوان” نا سرحال نا رد اٹ خصوصی نشست آک اڈ تننگار‘ دود اٹ ڈائریکٹر کلچر ڈاکٹر داؤد ترین، خانہ فرہنگ ایران نا ڈی جی، و صوبائی اسمبلی نا باسک کلثوم نواز تون اوار صوبہ نا پنی آ ادبی شخصیت، شاعر، محقق و ادب نا شوقیک بھلو کچ اسے ٹی بشخ ہلکر۔ ترانکار آک سید ظہور شاہ ہاشمی نا بلوچی زبان، لغت نگاری و ادب کن کروک بھلا خذمت آتے گچین لوز آتے آتیٹی خراجِ تحسین پیش کریر۔