شونداری باندات آتا درست وپک معلومداری تسکان الس نا رسینگ گیگ اوفتا بنداوی حق و شفاف حکمرانی نا اہم خواست ءِ، شاہد رند

کوئٹہ، وزیراعلیٰ بلوچستان نا کمکار حوالکاری و سیاسی باندات شاہد رند ورلڈ ڈویلپمنٹ انفارمیشن ڈے نا وخت آ تینا کلہو اٹی پارینے کہ شونداری باندات آتا بابت درست و پک معلومداری تسکان الس نا رسینگ گیگ اوفتا بنداوی حق و شفاف حکمرانی نا اہم ءُ خواست اسے۔ باخبر شاری نئے بیرہ شونداری ڈٹ تیان گچین وڑ اٹ فائدہ ہرفنگ کیک بلکہ حکومتی گام گیج آتا چاروکی و پرسجو نا عمل اٹی ہم گچین کڑد ادا کننگ کیک۔ شاہد رند پارے کہ شونداری معلومداری نا بابت السی شعور بیدار کننگ و ڈیجیٹل خواندگی ءِ شون تننگ وخت نا اہم ءُ گرج اسے۔ پوسکنوڑ ڈیجیٹل ٹیکنالوجی نا کمک اٹ پک معلومداری تا وخت آ فراوان کروک شونداری ڈٹ آتیٹی شفافیت پک کننگ، وڈی خوری نا توننگ و السی آسودہی و آسراتی تا فائدہ غاتے حقدار بندغ آتسکان رسیفنگ اٹی کمکار مریک۔