چین اتون پاکستان نا متکن آ سنگتی و اقتصادی کمکاری بلوچستان کن شونداری نا پوسکن آ گمان تے ودفنگ کیک‘ بلال کاکڑ
Get real time updates directly on you device, subscribe now.
اسلام آباد، بلوچستان زرکاری بورڈ انا وائس چیئرمین بلال خان کاکڑ پارینے کہ چین اتون پاکستان نا متکن آ سنگتی و اقتصادی کمکاری بلوچستان کن شونداری نا پوسکن آ گمان تے ودی کننگ کیک۔ سی پیک و معدنی ڈٹ آتیٹی چینی شریداری صوبہ نا قدرتی وسیلہ غاتے زرگزرانی شونداری ٹی بدل کننگ، صنعتی سرجز آتے ودفنگ و و ورنا تیکن روزگار نا وارخواہی ودی کننگ اٹی اہم کڑد ادا کننگ کیک۔ دا خیال آتا درشانی ءِ او اسلام آباد اٹی چینی واپاری نمائندہ مسٹر ڈو جون جی (Du Junjie) تون اوڑدہی نا وخت آ کرے۔ اوڑدہی ٹی بلوچستان زرکاری بورڈ انا چیف ایگزیکٹو آفیسر عبدالمنان ہم ساڑی ئس۔ دا وخت آ بلوچستان نا معدنی بشخ اٹی زرکاری‘ وسیلہ غاتا پٹ و پول و شونداری و حکومت بلوچستان تون چینی زرکار آتا اسیجائی کاریم نا گمان تیا گپ وتران کننگا۔