خضدار نا کل محکمہ غاتا تُوئی جاچ دیوان اپوزیشن لیڈر بلوچستان اسمبلی میر یونس عزیز زہری نا کماشی ٹی اڈ ہلک

خضدار، ڈی سی آفس نا کانفرنس ہال اٹی ضلع خضدار نا کل محکمہ غاتا تُوئی جاچ دیوان اپوزیشن لیڈر بلوچستان اسمبلی میر یونس عزیز زہری نا کماشی ٹی اڈ ہلک، وخت اس کہ دیوان اٹی ڈپٹی کمشنر خضدار عبدالرزاق ساسولی خصوصی وڑ اٹ بشخ ہلک۔ دیوان نا باقاعدہ بنا کلامِ پاک نا تلاوت آن مس، ہراکان گڈ کل محکمہ غاک واری واری اٹ تینا توئی کارکڑدگی رپورٹ ءِ پیش کریر۔ محکمہ جانجوڑی ہسپتال آتیٹی دارو تا فراوانی، محکمہ تعلیم اسکول آتیٹی استاد آتا حاضری، وخت اس کہ محکمہ بی اینڈ آر، پبلک ہیلتھ انجینئرنگ و اربن پلاننگ برجا شونداری اسکیم، سڑک و واٹر سپلائی اسکیم آتیا جم بریفنگ تسر۔ داکان بیدس محکمہ لائیو اسٹاک، کشت وکشار ایلو محکمہ غاتا افسر آک ہم تینا تینا محکمہ غاتا کارکڑد نا بابت بریفنگ تسر۔