پاکستان، ترکیہ، مصر، سعودی عرب و یورپی وزیر خارجہ غاتا فلسطین نا اِرا ریاستی ایسری نا مخ تفی نا درشانی
Get real time updates directly on you device, subscribe now.
استنبول، پاکستان، ترکیہ، مصر، سعودی عرب و یورپی ملک آتا وزیرخارجہ غاک اسرائیل فلسطین جھیڑہ نا ایسری کن اِرا ریاستی ایسر نا مخ تفی نا دوارگی‘ سعودی عرب و یمن نا حکومت آ حوثی ملیشیا نا جلہو آتا مذمت و آبنائے ہرمز، باب المندب و بحیرہ اسود اٹی چک وتاڑ آ گڑتی نا درشانی ءِ کرسا علاقائی امن، سوگوی‘ واپاری و زرگزرانی رکھ اکن اسیجائی سفارتی کوشست آتے برجا تخنگ آ امنا کرینو۔ پاکستان، ترکیہ، مصر، سعودی عرب و یورپی ملک آتا وزیرخارجہ غاتا اسیجائی دیوان اڈ ہلک ہراٹی پاکستان، ترکیہ، مصر، سعودی عرب، فرانس، جرمنی، اٹلی و برطانیہ نا وزیرخارجہ غاک بشخ ہلکر۔ دیوان اٹی امریکہ، اسرائیل و ایران نا نیام اٹی چک وتاڑ و جنگ آ گپ وتران کننگا۔