ہر چنا ءِ پولیو آن رکھی و جانجوڑ آخبت فراوان کننگ قومی زمواری ءِ، بلاول بھٹو

کراچی / پاکستان پیپلز پارٹی نا چیئرمین بلاول بھٹو زرداری پارینے کہ پولیو آن پاک پاکستان شہید بینظیر بھٹو نا تغ ئس، ہر چنا ءِ پولیو آن رکھی و جانجوڑ آخبت فراوان کننگ قومی زمواری ءِ۔ پولیو نا پورو چٹفنگ کن پوسکنوڑ ٹیکنالوجی، مدامگی سیاسی ارادگی، بنجائی و صوبائی حکومت آتیٹی جوان رابطہ کاری و السی اواری المی ءِ‘ پولیو تور انا جہانی دے آ کلہو اٹی بلاول بھٹو زرداری پارے کہ شہید بینظیر بھٹو قدامت پسند آتا سخت مخالفت آن پد ہم پاکستان نا اولیکو قومی پولیو تور مہم نا بناءِ کرے۔ شہید بینظیر بھٹو تینا مسڑ آصفہ بھٹو زرداری ءِ تینٹ پولیو نا پڑی کنفسا چناتا جانجوڑی و رکھ آ سمجھوتہ کپننگ نا کلہو تس۔