ایس ایس پی لورالائی ناجوائنٹ انویسٹی گیشن (JIT) نا رد اٹ ضلع دکی نا دورہ
Get real time updates directly on you device, subscribe now.
دکی، ایس ایس پی لورالائی اسہ اہم ءُ مقدمہ اسے نا جوائنٹ انویسٹی گیشن (JIT) نا رد اٹ ضلع دکی نا دورہ ءِ کرے، ہراڑے او مقدمہ نا جاست پاست نا جتاجتا پہلو تا جاچ ءِ ہلسا شاہد آتا بیان تے قلمبند کرے و واقعہ نا جاگہ نا جم جاچ ءِ ہلک۔ جوائنٹ انویسٹی گیشن ٹیم (JIT) ڈپٹی انسپکٹر جنرل پولیس لورالائی نا پرمان آ جوڑ کننگانے‘ ہراٹی ایس پی دکی و مقدمہ نا پرسجوئی افسرک ہم اوار ءُ۔ دورہ ناوخت آ ایس پی دکی ایس ایس پی لورالائی ءِ مقدمہ نا پس منظور‘ داسکان مروک آ پرسجو و جتاجتا اہم پہلو تا رد اٹ جم بریفنگ تس۔ اوکان پد ایس ایس پی لورالائی جے آئی ٹی تون اوار مقدمہ تون تعلقدار کل شاہد آتا بیان تے خف تورے و اوفتا بیان تے نوشتہ کرے۔