کمشنر لورالائی ڈویژن ولی محمد بڑیچ نا چاروکی ٹی محکمہ جانجوڑی نا رد اٹ کنٹریکٹ بنداو آ خورک اسامی تیا بھرتی کن انٹرویوز نا عمل اڈ ہلک

ورالائی، کمشنر لورالائی ڈویژن ولی محمد بڑیچ نا چاروکی ٹی محکمہ جانجوڑی نارد اٹ کنٹریکٹ نا بنداو آ خورک اسامی تیا بھرتی کن انٹرویوز نا عمل اڈ ہلک، ہراٹی لورالائی ڈویژن نا جتا جتا ضلع غاتیان تعلقدار سد آ اومیتدار آک بشخ ہلکر۔ انٹرویو ٹی سرجن، گائنکالوجسٹ سرجن، میڈیکل آفیسرز و ڈینٹل سرجن تون اوار محکمہ جانجوڑی نا چندی خورک اسامی تیکن اومیتدار آتا لائخی و کسبی قابلیت نا جاچ ءِ ہلنگا۔ لورالائی، موسیٰ خیل، زیارت، دکی و ہرنائی و ڈویژن نا ایلو ضلع غاتیان بھلو کچ اسے ٹی اومیتدار آک انٹرویو کن بسر۔ دا وخت آ محکمہ جانجوڑی نا تعلقدار افسرو چاہندار آتا ٹیم اومیتدار آتا تعلیمی ریکارڈ، کسبی لائخی‘ آزموندہ و پک کروک آب انا رِد اٹ انٹرویو ہلکر‘ وخت اس کہ اومیتدار آتا دستاویز و ایلو تعلقدار باندات آتیا ہا جاچ ءِ ہلنگا۔