ڈی ای او گوادر نا گورنمنٹ گرلز ہائی اسکول باغبازار پسنی نا دورہ

گوادر، صوبائی حکومت نا تعلیم دوست پالیسی، تعلیمی آب اٹی گچینی و سرکاری تعلیمی ادارہ غاتیٹی تدریسی و انتظامی باندات نا گچین چاروکی نا رد اٹ ڈسٹرکٹ ایجوکیشن آفیسر گوادر زاہد حسین تدوک آ دے گورنمنٹ گرلز ہائی اسکول باغبازار پسنی نا دورہ ءِ کرے، ہراڑے او جتا کلاس روم تا دورہ ءِ کرے و تدریسی سرجز، طالب علم آتا تعلیمی کارکڑدو تعلیمی چاگڑد نا جاچ ءِ ہلک۔ او طالب علم آتتون تعلیمی باندات آتتون تعلقدار گپ و تران کرے و اوفتے آب اٹو تعلیم نا دوئی کننگ، خواری و باقاعدگی اٹ تعلیمی سرجز آتیٹی بشخ ہلنگ نا پارے‘ دا وخت آ اسکول اٹی مون تروک ویل و تعلیمی گرج آتتون تعلقدار معلومداری ہم دوئی کننگا، وخت اس کہ او اسکول نا زوت آتیٹ تفوک پوسکن آ ماڑی نا دورہ ءِ ہم کرے۔