دہشت گردی نا چٹفنگ کن سنبرینگوک اُن، بلاول بھٹو
Get real time updates directly on you device, subscribe now.
اسلام آباد، پیپلز پارٹی نا چیئرمین بلاول بھٹو زرداری بلوچستان اٹ دہشت گرد آتا برخلاف کارروائی نا وخت آ میجر وجاہت وحید نا شہیدی آ ڈکھیائی و است ہسونی نا درشانی ءِ کرینے۔ میڈیا سیل بلاول ہاؤس آن جاری بیان اٹ بلاول بھٹو زرداری پارینے کہ میجر وجاہت وحید نا شہیدی لمہ وطن نا دفاع وامن نا کن تروک آ عظیم قربانی ءِ۔ اوپارے کہ بلوچستان اٹ دہشت گردی نا برخلاف سیکورٹی فورس آتا قربانی قوم اکن گمرنا سوب ءُ، کارروائی نا وخت آ چار دہشت گرد خلنگ سیکورٹی فورس آتا کسبی لائخی تا درشانی ءِ، دہشت گردی نا چٹفنگ و ملک اٹی مدامگی امن کن قومی ارادگی نزور مفروک ءِ۔ پی پی پی نا چیئرمین میجر وجاہت وحید نا خاہوت تون ہڑزخواہی کرسا شہید نا درجہ غاتا بڑزی و خاہوت کن صبرجمیل نا دعا کرے۔