میجر وجاہت امن کن ندر مرسا مدامی کن امر مسنے، محسن نقوی

اسلام آباد، بنجائی وزیر داخلہ محسن نقوی قلات و پسنی ٹی خوارجی تابرخلاف سرسہب آپریشن تیا سیکورٹی فورس آتے خراج تحسین پیش کرینے۔ وزارت داخلہ غان جاری بیان نا رداٹ وزیر داخلہ پسنی ٹی آئی ای ڈی دھماکہ ٹی شہیدی نا جام ءِ نوش کروک میجر وجاہت وحید ءِ خراج عقیدت پیش کرسا شہید انا خاہوت تون ہمدردی و است ہسونی نا درشانی ءِ کرینے۔ محسن نقوی پارے کہ میجر وجاہت وطن عزیز نا امن کن جان ءِ ندر کرسا مدامی کن امر مسنے۔ او زور شاغساپارے کہ شہید میجر وجاہت تون اوار کل شہید آتا دترنا ہر پُڑی وطن نا رکھ انا ضمانت ءِ۔ وزیر داخلہ پارے کہ شہید میجر وجاہت ننا است آتیٹی مدام زندہ مریک و اونا دا عظیم قربانی ءِ قوم مدام یات تخک۔