تعلیمی وظیفہ تنگ ات میرٹ، شفافیت ءِ پک کننگے‘ ڈاکٹر عبدالمالک بلوچ
Get real time updates directly on you device, subscribe now.
کوئٹہ، مسکوہی وزیراعلیٰ بلوچستان نیشنل پارٹی نا سروک صوبائی اسمبلی نا باسک ڈاکٹر عبدالمالک بلوچ پارینے کہ بلوچستان نا ورناتے آب اٹو نا وارخواہی فراوان کننگ صوبہ نا روشنا آخبت کن بھاز المی ءِ‘ تعلیمی وظیفہ تننگ اٹ میرٹ، شفافیت و حقدار طالب علم آتسکان رسینگ گیگ ءِ بنداوی اہمیت تننگے تاکہ حقدار طالب علم آتے اوفتا حق رسینگ کے و او تعلیمی پڑ آ پوسکنوڑ علم دوئی کرسا ملک و قوم انا خذمت ءِ کننگ کیر۔ دا خیال آتا درشانی او تدوک آ دے BEEF انا دفتر نا دورہ نا وخت آ چیف ایگزیکٹو آفیسر خالد ماندائی و اویلوفتتون ہیت وگپ کرسا کرے۔ داوخت آ او بی ای ای ایف نا جتا جتا بشخ آتا دورہ ءِ کرے و ادارہ نا انتظامی و تعلیمی باندات نا جاچ ءِ ہلک، ہراڑے اودے ادارہ نا جم کارکڑد‘ برجاتعلیمی گام گیج و جتاجتا اسکالرشپ اسکیم آتا بابت جم بریفنگ تننگا۔