مدامگی امن کن مذاکرات‘ سگ المی ءِ،اعظم نذیر تارڑ

اسلام آباد، بنجائی وزیر کانود و انصاف سینیٹر اعظم نذیر تارڑ پارینے کہ مدامگی امن کن مذکرات‘، سگ، تین پہ تینی شرف و کانود نا حکمرانی المی ءِ، جھیڑہ و اختلاف آتا ایسر ءِ طاقت نا جاگہ غا مذاکرات و پرامن وڑ اٹ بایدے پٹنگے۔ امن نا جہانی دے انا وخت آ تینا کلہو اٹ بنجائی وزیر کانود پارے کہ امن بیرہ جنگ انا چٹفنگ نا پن اف بلکن انصاف، بریبر حق، رکھ و انسانی وقار ہم امن نا بنداو آک ءُ۔ او پارے کہ کانود نا حکمرانی و گچین نظامِ انصاف مدامگی امن کن بنداوی اہمیت تخک۔ اعظم نذیر تارڑ پارے کہ پاکستان دہشت گردی نا برخلاف جنگ اٹ امن کن بھلو انسانی و زرگزرانی قیمت اس تسنے۔ ول ویچڑ جہانی جھیڑہ غاتا ایسری کن جہانی کمک، تین پہ تینی پت و تعمیری گپ وتران المی ءِ۔ او پارے کہ اختلاف رائے ءِ جھیڑہ نا جاگہ غا گپ وتران و دلیل نا کمک اٹ ایسر کننگ مہذب راج آتا پہچان ءِ۔ پاکستان جہانی امن، جہانی کانود و کثیرالجہتی کمک نا مونی دننگ کن تینا کڑد ءِ برجا تخک۔ بنجائی وزیر کانود پارے کہ امن، سگ و تین پہ تینی شرف انا مونی دننگ اٹ راج انا ہر بندغ ءِ تینا کڑد ءِ ادا کروئی مریک۔ امن نا جہانی دے ننے امن کن عملی گام گیج و کمک نا اارادگی انا پوسکنی نا وارخواہی فراوان کیک۔