ایران معاہدہ اسے آ سر مننگ خواہک، جنگ ایسری آٹے، ٹرمپ

واشنگٹن، امریکی صدر ڈونلڈ ٹرمپ قطبی کیرولائنا ٹی گچین کاری جلسہ اسے آن تران کرسا اسہ وار ولدا دعویٰ کرینے کہ ایران معاہدہ اسے آ سر مننگ خواہک۔ ریپبلکن سینیٹ اومیتدار مائیکل وہٹلی نا گچین کاری مہم نا رد اٹ گیسٹونیا ٹی تران کرسا ٹرمپ پارے کہ کنے اومیت ءِ کہ نن جنگ نا ایسری نا خڑک اُن، او اسہ معاہدہ اس کننگ خوارہ، داسہ ہُرن کہ مستی انت مریک، ٹرمپ کیہی تو تیان دا موقف ءِ کرفسا بننگ اٹی ءِ کہ ایران مذاکرات و گمانی معاہدہ خواہک ولے دا نیام اٹی امریکہ و ایران نا نیام اٹی مروک کیہی حوال و مذاکرات ہچ مدامگی امنائی اسے آ سرمتنو۔ وخت اس کہ ہڑتوم آ ملک آک اسہ ایلو نا برخلاف عسکری کارروائی ہم کرسا بسنو۔