روسی فوج انا یوکرین نا دفاعی و توانائی تنصیب آتیا جلہو
Get real time updates directly on you device, subscribe now.
ماسکو، روسی فوج یوکرین نا دھات سازی، ریڈیو الیکٹرانکس و دفاعی صنعت تون تعلقدار ادارہ غاتتون اوار توانائی و ہن وبر نا بنداوی پنجر آتے مچ آ نن بھلو کچ اسے ٹی شست کرینے۔ روسی وزارت دفاع نا رِد اٹ روسی فوج ڈغار، سمندر و فضا غان خسوک بھلا سلہہ و بے پائلٹ بالی جہاز آتا کمک اٹ یوکرین نا جتا جتا ہدف آتیا بھلو کچ اسے ٹی اسیجا جلہو کرینے‘ وزارت دفاع پارے کہ جلہو آتیٹ یوکرین نا دھات سازی و ریڈیو الیکٹرانکس نا صنعت آتا ادارہ غاتے، عسکری صنعتی کمپلیکس و توانائی و ہن وبر بنداوی پنجر نا میرات آتے شست کننگا، روسی وزارت دفاع نا رِد اٹ کیف، زاپوروژے و اوڈیسا نا علاقہ ٹی ساڑی تنصیبات دا جلہو آتا ہدف ئسر، وزارت دفاع مستی پارے کہ یوکرینی فوج انا فائدہ غاتیکن کاریم اٹ اتوک بحری جہاز آتے ہم جلہو آتیٹ شست کننگا۔